ກອງປະຊຸມປຶກສາຫາລື ແລະ ແລກປ່ຽນບົດຮຽນໃນການສ້າງ ແລະ ຕົບແຕ່ງ ພິພິຕະພັນດິນ ຂອງ ສປປ ລາວ

ກອງປະຊຸມປຶກສາຫາລື ແລະ ແລກປ່ຽນບົດຮຽນໃນການສ້າງ ແລະ ຕົບແຕ່ງ ພິພິຕະພັນດິນ ຂອງ ສປປ ລາວ ‐------‐-------------‐-------------------------- ກົມຄຸ້ມຄອງ ແລະ ພັດທະນາທີ່ດິນກະສິກຳ ໄດ້ສ້າງຕັ້ງຫ້ອງພິພິທະພັນດິນຂື້ນເພື່ອເປັນສະຖານທີ່ສຶກສາ, ຮຽນຮູ້ ແລະ ເປັນຈຸດສູນກາງໃນການວາງສະແດງຜົນງານທີ່ໄດ້ຈັດຕັ້ງປະຕິບັດຜ່ານມາ ເປັນຕົ້ນແມ່ນໂມໂນລິດ, ເຄື່ອງມືການສຳຫຼວດດິນພາກສະໜາມ, ບົດລາຍງານ, ຮູບພາບ ແລະ ແຜນທີ່ຊະນິດຕ່າງໆ ໃຫ້ແກ່ນັກສຶກສາ, ຜູ້ທີ່ສົນໃຈຢາກສຶກສາກ່ຽວກັບ ການຄຸ້ມຄອງ ແລະ ພັດທະນາທີ່ດິນກະສິກຳ ໃນໄລຍະຜ່ານມາ ເຖີງ ປັດຈຸບັນ ເພື່ອໃຫ້ຫ້ອງພິທິຕະພັນດິນໄດ້ມີຄວາມໝາຍຄວາມສຳຄັນຂື້ນຕື່ມ ທາງກົມຄຸ້ມຄອງ ແລະ ພັດທະນາທີ່ດິນ ຈື່ງໄດ້ຈັດກອງປະຊຸມປືກສາຫາລື ແລກປ່ຽນ ບົດຮຽນຈາກອະດິດການນຳທີ່ມີປະສົບການ ຂອງກົມ ຄພດກ ຕໍ່ກັບການສ້າງຕັ້ງພິພິຕະພັນດິນ ໃນວັນທີ່ 30 ພຶດສະພາ 2024 ໂດຍການໃຫ້ກຽດເປັນປະທານ ຂອງທ່ານ ປອ ນິວົງ ສີປະເສີດ, ຫົວໜ້າກົມຄຸ້ມຄອງ ແລະ ພັດທະນາທີ່ດິນກະສິກຳ, ມີຄະນະກົມ, ຫົວໜ້າສູນ, ຄະນະສູນ, ຫົວໜ້າພະແນກ, ຄະນະພະແນກ , ວິຊາການກົມ ຄພດກ ພ້ອມດ້ວຍ ອະດິດການນຳ ເຂົ້າຮ່ວມ. ພາຍໃນກອງປະຊຸມແມ່ນ ຄະນະສູນສຳຫຼວດ ແລະ ວາງແຜນທີ່ດິນກະສິກຳ ໄດ້ນຳສະເໜີ ກ່ຽວປະຫວັດຄວາມເປັນມາຂອງການການສຳຫຼວດ ແລະ ສ້າງແຜນທີ່ດິນ ນັບແຕ່ປີ 1975 ເຖີງ ປີ 2020 ແລະ ໄດ້ພາອະດີດການນຳ ຢ້ຽມຊົມຫ້ອງພິພິຕະພັນດິນ, ຫ້ອງວິໄຈ ດິນ, ພືດ ແລະ ຝຸ່ນ. ຈາກການຢ້ຽມຊົມແມ່ນທາງອະດີດການນໍາໄດ້ສະແດງຄວາມຊົມເຊີຍຕໍ່ທາງກົມ ຄພດກ ທີ່ເອົາໃຈໃສ່ໃນການຍາດແຍ່ງທຶນກໍ່ສ້າງ ຫໍພິພິທະພັນດິນດັ່ງກ່າວ ເພື່ອເປີດກ້ວາງແຫລ່ງສຶກສາ ຮຽນຮູ້ ໃນແກ່ນັກຮຽນນັກສຶກສາເຂົ້າເຖີງໄດ້ງ່າຍຂຶ້ນ.